uswa karegi dekh ke duniya mujhe 'qamar'
is chandni mein un ko bulane ko jae kaun

Qamar Jalalvi

---

---

nasheman KHak hone se wo sadma dil ko pahuncha hai
ki ab hum se koi bhi raushni dekhi nahin jati

Qamar Jalalvi

---

---

shukriya ai qabr tak pahunchane walo shukriya
ab akele hi chale jaenge is manzil se hum

Qamar Jalalvi

---

---

suna hai ghair ki mahfil mein tum na jaoge
kaho to aaj saja lun gharib-KHane ko

Qamar Jalalvi

---

---

surme ka til bana ke ruKH-e-la-jawab mein
nuqta baDha rahe ho KHuda ki kitab mein

Qamar Jalalvi

---

---

tere qurban 'qamar' munh sar-e-gulzar na khol
sadqe us chand si surat pe na ho jae bahaa

Qamar Jalalvi

---

---

wo chaar chand falak ko laga chala hun 'qamar'
ki mere baad sitare kahenge afsane

Qamar Jalalvi

---

---

yahi hai gar KHushi to raat bhar ginte raho tare
'qamar' is chandni mein un ka ab aana to kya hoga

Qamar Jalalvi

---

---

zabt karta hun to ghuTta hai qafas mein mera dam
aah karta hun to sayyaad KHafa hota hai

Qamar Jalalvi

---

---