har waqt mahwiyat hai yahi sochta hun main
kyun barq ne jalaya mera aashiyan na puchh

Qamar Jalalvi

---

---

aaen hain wo mazar pe ghunghaT utar ke
mujh se nasib achchhe hai mere mazar ke

Qamar Jalalvi

---

---

jalwa-gar bazm-e-hasinan mein hain wo is shan se
chand jaise ai 'qamar' taron bhari mahfil mein hai

Qamar Jalalvi

---

---

jigar ka dagh chhupao 'qamar' KHuda ke liye
sitare TuTte hain un ke dida-e-nam se

Qamar Jalalvi

---

---

kabhi kaha na kisi se tere fasane ko
na jaane kaise KHabar ho gai zamane ko

Qamar Jalalvi

---

---

KHun hota hai sahar tak mere armanon ka
sham-e-wada jo wo paband-e-hina hota hai

Qamar Jalalvi

---

---

main un sab mein ek imtiyazi nishan hun falak par numayan hain jitne sitare
'qamar' bazm-e-anjum ki mujh ko mayassar sadarat nahin hai to phir aur kya hai

Qamar Jalalvi

---

---

muddaten huin ab to jal ke aashiyan apna
aaj tak ye aalam hai raushni se Darta hun

Qamar Jalalvi

---

---

mujhe mere miTne ka gham hai to ye hai
tumhein bewafa kah raha hai zamana

Qamar Jalalvi

---

---