aaen hain wo mazar pe ghunghaT utar ke
mujh se nasib achchhe hai mere mazar ke

Qamar Jalalvi

---

---

ab aage is mein tumhaara bhi nam aaega
jo hukm ho to yahin chhoD dun fasane ko

Qamar Jalalvi

---

---

ab naza ka aalam hai mujh par tum apni mohabbat wapas lo
jab kashti Dubne lagti hai to bojh utara karte hain

my end is now upon me, take back your
for when a ship is sinking, the burden is removed

Qamar Jalalvi

---

---

abhi baqi hain patton par jale tinkon ki tahriren
ye wo tariKH hai bijli giri thi jab gulistan pa

Qamar Jalalvi

---

---

agar aa jae pahlu mein 'qamar' wo mah-e-kaamil bhi
do aalam jagmaga uTThenge dohri chandni hogi

Qamar Jalalvi

---

---

aise mein wo hon bagh ho saqi ho ai 'qamar'
lag jaen chaar chand shab-e-mahtab mein

Qamar Jalalvi

---

---

aDha baDha ke jafaen jhuka hi doge kamar
ghaTa ghaTa ke 'qamar' ko hilal kar doge

Qamar Jalalvi

---

---

daba ke qabr mein sab chal diye dua na salam
zara si der mein kya ho gaya zamane ko

Qamar Jalalvi

---

---

har waqt mahwiyat hai yahi sochta hun main
kyun barq ne jalaya mera aashiyan na puchh

Qamar Jalalvi

---

---