jaane kis ummid pe chhoD aae the ghar-bar log
nafraton ki sham yaad aae purane yar log

Nomaan Shauque

---

---

itni tazim hui shahr mein uryani ki
raat aankhon ne bhi ji bhar ke badan-KHwani ki

Nomaan Shauque

---

---

ishq mein sachcha tha wo meri tarah
bewafa to aazmane se hua

Nomaan Shauque

---

---

aaine ka samna achchha nahin hai bar bar
ek din apni hi aankhon mein khaTak sakta hun main

Nomaan Shauque

---

---

ishq ka matlab kise malum tha
jin dinon aae the hum dil haar ke

Nomaan Shauque

---

---

is bar intizam to sardi ka ho gaya
kya haal peD kaTte hi basti ka ho gaya

Nomaan Shauque

---

---

har muttaqi ko is se sabaq lena chahiye
jannat ki chah ne jise shaddad kar diya

Nomaan Shauque

---

---

hamein bura nahin lagta safed kaghaz bhi
ye titliyan to tumhaare liye banate hain

Nomaan Shauque

---

---

hum ko Dara kar, aap ko KHairaat banT kar
ek shaKHs raaton-raat jahangir ho gaya

Nomaan Shauque

---

---