as tere aane ki ek afwah ka aisa asar
kaise kaise log the bimar achchhe ho gae

Nomaan Shauque

---

---

aaine ka samna achchha nahin hai bar bar
ek din apni hi aankhon mein khaTak sakta hun main

Nomaan Shauque

---

---

aDe gharon mein rahi hai bahut zamane tak
KHushi ka ji nahin lagta gharib-KHane mein

Nomaan Shauque

---

---

aur mat dekhiye ab adl-e-jahangir ke KHwab
aur kuchh kijiye zanjir hilane ke siwa

Nomaan Shauque

---

---

apni aahaT pe chaunkta hun main
kis ki duniya mein aa gaya hun main

Nomaan Shauque

---

---

aisi hi ek shab mein kisi se mila tha dil
barish ke sath sath barasti hai raushni

Nomaan Shauque

---

---

ab ise gharqab karne ka hunar bhi sikh lun
is shikare ko agar phulon se Dhak sakta hun main

Nomaan Shauque

---

---

aasmanon se zamin ki taraf aate hue hum
ek majme ke liye sher sunate hue hum

Nomaan Shauque

---

---

aap ki sada-dili se tang aa jata hun main
mere dil mein rah chuke hain is qadar hushyar log

Nomaan Shauque

---

---