sun ai koh-o-daman ko sabz KHilat baKHshne wale
nahin milta tere dar se gharibon ko kafan ab tak

Nisar Itavi

---

---

mausam-e-gul hai baadal chhae khanak rahe hain paimane
kaisi tauba, tauba tauba, tauba nazr-e-jam karo

Nisar Itavi

---

---

nahid o qamar ne raaton ke ahwal ko raushan kar to diya
wo dip kisi se jal na sake jo dil mein ujala karte hain

Nisar Itavi

---

---

nigahon se na-ashna chand jalwe
pas-e-lala-o-yasman aur bhi hain

Nisar Itavi

---

---

qafas bhi hai yahan sayyaad bhi gulchin bhi kanTe bhi
chaman ko hum samajhte hain magar apna chaman ab tak

Nisar Itavi

---

---

shauq kitne fareb deta hai
muskura kar hamara nam na le

Nisar Itavi

---

---

subh bichhaD kar sham ka wada sham ka hona sahal nahin
un ki tamanna phir kar lena subh ko pahle sham karo

Nisar Itavi

---

---

yaqinan rahbar-e-manzil kahin par rasta bhula
wagarna qafile ke qafile gum ho nahin sakte

Nisar Itavi

---

---

ye dil walon se puchho is ko dil wale samajhte hain
bigaD aai hawa zulfen kisi ki ya sanwar aai

Nisar Itavi

---

---