qafas bhi hai yahan sayyaad bhi gulchin bhi kanTe bhi
chaman ko hum samajhte hain magar apna chaman ab tak

Nisar Itavi

---

---

nigahon se na-ashna chand jalwe
pas-e-lala-o-yasman aur bhi hain

Nisar Itavi

---

---

nahid o qamar ne raaton ke ahwal ko raushan kar to diya
wo dip kisi se jal na sake jo dil mein ujala karte hain

Nisar Itavi

---

---

mausam-e-gul hai baadal chhae khanak rahe hain paimane
kaisi tauba, tauba tauba, tauba nazr-e-jam karo

Nisar Itavi

---

---

aa dost sath aa dar-e-mazi se mang laen
wo apni zindagi ki jawan bhi hasin bhi thi

Nisar Itavi

---

---

kuchh husn ke fasane tartib de raha hun
daftar ulaT raha hun har phul har kali ka

Nisar Itavi

---

---

kitne pur-haul andheron se guzar kar ai dost
hum tere husn ki raKHshanda sahar tak pahunche

Nisar Itavi

---

---

kali ki KHu hai bahar-haal muskurane ki
wagarna ras kise hai hua zamane ki

Nisar Itavi

---

---

kal jo zikr-e-jam-o-mina aa gaya
meri tauba ko pasina aa gaya

Nisar Itavi

---

---