sari gawahiyan to mere haq mein aa gain
lekin mera bayan hi mere KHilaf tha

Nafas Ambalvi

---

---

nigahon ke manazir be-sabab dhundhle nahin paDte
hamari aankh mein dariya koi Thahra hua hoga

Nafas Ambalvi

---

---

mere KHayal ki parwaz bas tumhin tak thi
phir is ke baad mujhe koi aasman na mila

Nafas Ambalvi

---

---

ab kahan tak pattharon ki bandagi karta phirun
dil se jis dam bhi pukarunga KHuda mil jaega

Nafas Ambalvi

---

---

marne ko mar bhi jaun koi masala nahin
lekin ye tai to ho ki abhi ji raha hun main

Nafas Ambalvi

---

---

jab bhi us diwar se milta hun ro paDta hun main
kuchh na kuchh to hai yaqinan us mein patthar se alag

Nafas Ambalvi

---

---

is shahar mein KHwabon ki imarat nahin banti
behtar hai ki tamir ka naqsha hi badal lo

Nafas Ambalvi

---

---

inkar kar raha hun to qimat buland hai
bikne pe aa gaya to gira denge dam log

Nafas Ambalvi

---

---

hamein duniya faqat kaghaz ka ek TukDa samajhti hai
patangon mein agar Dhal jaen hum to aasman chhu len

Nafas Ambalvi

---

---