میں بھی شاید آپ کو تنہا ملوں
اپنی تنہائی میں جا کر دیکھیے

مصطفی شہاب

---

---

استعارے زمین سے جائیں
اک غزل آسمان سے اترے

مصطفی شہاب

---

---

کار زندگانی کے شور و شر میں مدت سے
اس کو بھول جانے کا احتمال رہتا ہے

مصطفی شہاب

---

---

کہا تھا میں نے کھو کر بھی تجھے زندہ رہوں گا
وہ ایسا جھوٹ تھا جس کو نبھانا پڑ گیا ہے

مصطفی شہاب

---

---

خوف اک بلندی سے پستیوں میں رلنے کا
آب جو میں رہتا ہے اور نظر نہیں آتا

مصطفی شہاب

---

---

میں اور میرا شوق سفر ساتھ ہیں مگر
یہ اور بات ہے کہ سفر ہو گئے تمام

مصطفی شہاب

---

---

شاید وہ بھولی بسری نہ ہو آرزو کوئی
کچھ اور بھی کمی سی ہے تیری کمی کے ساتھ

مصطفی شہاب

---

---

ذہن میں یاد کے گھر ٹوٹنے لگتے ہیں شہابؔ
لوگ ہو جاتے ہیں جی جی کے پرانے کتنے

مصطفی شہاب

---

---

صبح تک جانے کہاں مجھ کو اڑا کر لے جائے
ایک آندھی جو سر شام چلی ہے مجھ میں

مصطفی شہاب

---

---