main bhi shayad aap ko tanha milon
apni tanhai mein ja kar dekhiye

Mustafa Shahab

---

---

istiare zamin se jaen
ek ghazal aasman se utre

Mustafa Shahab

---

---

kar-e-zindagani ke shor-o-shar mein muddat se
us ko bhul jaane ka ehtimal rahta hai

Mustafa Shahab

---

---

kaha tha main ne kho kar bhi tujhe zinda rahunga
wo aisa jhuT tha jis ko nibhana paD gaya hai

Mustafa Shahab

---

---

KHauf ek bulandi se pastiyon mein rulne ka
aab-ju mein rahta hai aur nazar nahin aata

Mustafa Shahab

---

---

main aur mera shauq-e-safar sath hain magar
ye aur baat hai ki safar ho gae tamam

Mustafa Shahab

---

---

shayad wo bhuli-bisri na ho aarzu koi
kuchh aur bhi kami si hai teri kami ke sath

Mustafa Shahab

---

---

zehn mein yaad ke ghar TuTne lagte hain 'shahab'
log ho jate hain ji ji ke purane kitne

Mustafa Shahab

---

---

subh tak jaane kahan mujh ko uDa kar le jae
ek aandhi jo sar-e-sham chali hai mujh mein

Mustafa Shahab

---

---