na aae maut KHudaya tabah-haali mein
ye nam hoga gham-e-rozgar sah na saka

Moin Ahsan Jazbi

---

---

muskura kar Dal di ruKH par naqab
mil gaya jo kuchh ki milna tha jawa

Moin Ahsan Jazbi

---

---

muKHtasar ye hai hamari dastan-e-zindagi
ek sukun-e-dil ki KHatir umr bhar taDpa kiye

Moin Ahsan Jazbi

---

---

mile mujh ko gham se fursat to sunaun wo fasana
ki Tapak paDe nazar se mai-e-ishrat-e-shabana

Moin Ahsan Jazbi

---

---

meri hi nazar ki masti se sab shisha-o-saghar raqsan the
meri hi nazar ki garmi se sab shisha-o-saghar TuT gae

Moin Ahsan Jazbi

---

---

meri arz-e-shauq be-mani hai un ke waste
un ki KHamoshi bhi ek paigham hai mere liye

Moin Ahsan Jazbi

---

---

abhi sumum ne mani kahan nasim se haar
abhi to marka-ha-e-chaman kuchh aur bhi hain

Moin Ahsan Jazbi

---

---

kya matam un ummidon ka jo aate hi dil mein KHak huin
kya roe falak un taron par dam bhar jo chamak kar TuT gae

Moin Ahsan Jazbi

---

---

kabhi dard ki tamanna kabhi koshish-e-mudawa
kabhi bijliyon ki KHwahish kabhi fikr-e-ashiyana

Moin Ahsan Jazbi

---

---