تری رسوائی کا ہے ڈر ورنہ
دل کے جذبات تو محدود نہیں

معین احسن جذبی

---

---

میری عرض شوق بے معنی ہے ان کے واسطے
ان کی خاموشی بھی اک پیغام ہے میرے لیے

معین احسن جذبی

---

---

میری ہی نظر کی مستی سے سب شیشہ و ساغر رقصاں تھے
میری ہی نظر کی گرمی سے سب شیشہ و ساغر ٹوٹ گئے

معین احسن جذبی

---

---

ملے مجھ کو غم سے فرصت تو سناؤں وہ فسانہ
کہ ٹپک پڑے نظر سے مئے عشرت شبانہ

معین احسن جذبی

---

---

مختصر یہ ہے ہماری داستان زندگی
اک سکون دل کی خاطر عمر بھر تڑپا کیے

معین احسن جذبی

---

---

مسکرا کر ڈال دی رخ پر نقاب
مل گیا جو کچھ کہ ملنا تھا جواب

معین احسن جذبی

---

---

نہ آئے موت خدایا تباہ حالی میں
یہ نام ہوگا غم روزگار سہ نہ سکا

معین احسن جذبی

---

---

رستے ہوئے زخموں کا ہو کچھ اور مداوا
یہ حرف تسلی کوئی مرہم تو نہیں ہے

معین احسن جذبی

---

---

یوں بڑھی ساعت بہ ساعت لذت درد فراق
رفتہ رفتہ میں نے خود کو دشمن جاں کر دیا

معین احسن جذبی

---

---