جلاؤ مارو درکارو بلا لو گالیاں دے لو
کرو جو چاہو ہم کس بات سے اکراہ رکھتے ہیں

مرزا اظفری

---

---

اے مصور شتاب ہو کہ ابھی
اس کا نقشہ دھیان میں کچھ ہے

مرزا اظفری

---

---

ہم گنہ گاروں کے کیا خون کا پھیکا تھا رنگ
مہندی کس واسطے ہاتھوں پہ رچائی پیارے

مرزا اظفری

---

---

ہم فراموش کی فراموشی
اور تم یاد عمر بھر بھولے

مرزا اظفری

---

---

ہے جانی تجھ میں سب خوبی پہ جاں سا
تو اک دم میں بچھڑ جاتا ہے مجھ سے

مرزا اظفری

---

---

دل لیا تاب و تواں لے چکا جاں بھی لے لے
پاک کر ڈال بکھیڑا یہ سبھی جھنجھٹ کا

مرزا اظفری

---

---

دھانی جوڑے پہ ترے سانولے میں مرتا ہوں
مر بھی جاؤں تو کفن دیکھ کے کاہی دینا

مرزا اظفری

---

---

بے غمی ترک علائق ہے سدا اظفریاؔ
جس کو دنیا سے علاقہ نہیں غم ناک نہیں

مرزا اظفری

---

---

بہہ چکا خون دل آنکھ تک آ پہنچا سیل
روئے جا اور بھی اے دیدۂ تر دیکھیں تو

مرزا اظفری

---

---