قسم مے کی مجھ بن ہے میرے لہو کی
جو ہم بن پیو تو ہمارا لہو ہے

مرزا اظفری

---

---

اوسوں گئی ہے پیاس کہیں دیدۂ نمیں
بجھتا ہے آنسوؤں سے کہاں دل پھنکا ہوا

مرزا اظفری

---

---

او عطارد زحل نحس سے ٹک مانگ مداد
بخت کا ماجرا لکھتا ہوں سیاہی دینا

مرزا اظفری

---

---

کس زمانے کی یہ دشمن تھی مری
اس محبت کا ہو منہ کالا میاں

مرزا اظفری

---

---

اے مصور شتاب ہو کہ ابھی
اس کا نقشہ دھیان میں کچھ ہے

مرزا اظفری

---

---

کاکل نہیں لٹکتے کچھ ان کی چھاتیوں پر
چوکاں سے یہ کھلنڈرے گیندیں اچھالتے ہیں

مرزا اظفری

---

---

جو آیا یار تو تو ہو چلا غش اے دوانے دل
اسی دم تجھ کو مرنا تھا بتا کیا تجھ کو دہاڑ آئی

مرزا اظفری

---

---

جلاؤ مارو درکارو بلا لو گالیاں دے لو
کرو جو چاہو ہم کس بات سے اکراہ رکھتے ہیں

مرزا اظفری

---

---

ہم عشق تیرے ہاتھ سے کیا کیا نہ دیکھیں حالتیں
دیکھ اب یہ دیدہ خوں نہ ہو خون جگر پانی نہ کر

مرزا اظفری

---

---