suni gai mein hui yar se muDbheD aaj
puchho koi kis liye munh pe kar ojhal gaya

Mirza Azfari

---

---

kis zamane ki ye dushman thi meri
is mohabbat ka ho munh kala miyan

Mirza Azfari

---

---

o atarid zuhal-e-nahis se Tuk mang midad
baKHt ka majra likhta hun siyahi dena

Mirza Azfari

---

---

oson gai hai pyas kahin dida-e-namin
bujhta hai aansuon se kahan dil phunka hua

Mirza Azfari

---

---

qasam mai ki mujh bin hai mere lahu ki
jo hum bin piyo to hamara lahu hai

Mirza Azfari

---

---

afu jeb-e-majnun hua kab ai naseh
tu mar jaega us ke site hi site

Mirza Azfari

---

---

shitabi apne diwane ko kar band
musalsal zulf se kar ya nazar-band

Mirza Azfari

---

---

wo uTha kar yak qadam aaya na gah
hum qalam san us ke, sar ke bhal gae

Mirza Azfari

---

---

zindagi chubh rahi hai kanTa si
gar ye nikle to sab KHalal jawe

Mirza Azfari

---

---