kuchh gham-e-jaanan kuchh gham-e-dauran donon meri zat ke nam
ek ghazal mansub hai us se ek ghazal haalat ke nam

Malikzada Manzoor Ahmad

---

---

KHwab ka rishta haqiqat se na joDa jae
aaina hai ise patthar se na toDa jae

Malikzada Manzoor Ahmad

---

---

khil uThe gul ya khile dast-e-hinai tere
har taraf tu hai to phir tera pata kis se karen

Malikzada Manzoor Ahmad

---

---

ab dekh ke apni surat ko ek choT si dil par lagti hai
guzre hue lamhe kahte hain aaina bhi patthar hota hai

Malikzada Manzoor Ahmad

---

---

jin safinon ne kabhi toDa tha maujon ka ghurur
us jagah Dube jahan dariya mein tughyani na thi

Malikzada Manzoor Ahmad

---

---

haal-e-pareshan sun kar mera aankh mein us ki aansu hain
main ne us se jhuT kaha ho aisa bhi ho sakta hai

Malikzada Manzoor Ahmad

---

---

diwana har ek haal mein diwana rahega
farzana kaha jae ki diwana kaha jae

Malikzada Manzoor Ahmad

---

---

dekhoge to har moD pe mil jaengi lashen
DhunDoge to is shahr mein qatil na milega

Malikzada Manzoor Ahmad

---

---

daur-e-ishrat ne sanware hain ghazal ke gesu
fikr ke pahlu magar gham ki badaulat aae

Malikzada Manzoor Ahmad

---

---