asm-e-tazim na ruswa ho jae
itna mat jhukiye ki sajda ho jae

Malikzada Manzoor Ahmad

---

---

khil uThe gul ya khile dast-e-hinai tere
har taraf tu hai to phir tera pata kis se karen

Malikzada Manzoor Ahmad

---

---

KHwab ka rishta haqiqat se na joDa jae
aaina hai ise patthar se na toDa jae

Malikzada Manzoor Ahmad

---

---

kuchh gham-e-jaanan kuchh gham-e-dauran donon meri zat ke nam
ek ghazal mansub hai us se ek ghazal haalat ke nam

Malikzada Manzoor Ahmad

---

---

kya jaaniye kaisi thi wo hawa chaunka na shajar patta na hila
baiTha tha main jis ke sae mein 'manzur' wahi diwar giri

Malikzada Manzoor Ahmad

---

---

na KHauf-e-barq na KHauf-e-sharar lage hai mujhe
KHud apne bagh ke phulon se Dar lage hai mujhe

Malikzada Manzoor Ahmad

---

---

wahi qatil wahi munsif adalat us ki wo shahid
bahut se faislon mein ab taraf-dari bhi hoti hai

Malikzada Manzoor Ahmad

---

---

zindagi mein pahle itni to pareshani na thi
tang-damani thi lekin chaak-damani na thi

Malikzada Manzoor Ahmad

---

---

waqt shahid hai ki har daur mein isa ki tarah
hum salibon pe liye apni sadaqat aae

Malikzada Manzoor Ahmad

---

---