jin safinon ne kabhi toDa tha maujon ka ghurur
us jagah Dube jahan dariya mein tughyani na thi
Malikzada Manzoor Ahmad
ab dekh ke apni surat ko ek choT si dil par lagti hai
guzre hue lamhe kahte hain aaina bhi patthar hota hai
Malikzada Manzoor Ahmad
diwana har ek haal mein diwana rahega
farzana kaha jae ki diwana kaha jae
Malikzada Manzoor Ahmad
dekhoge to har moD pe mil jaengi lashen
DhunDoge to is shahr mein qatil na milega
Malikzada Manzoor Ahmad
daur-e-ishrat ne sanware hain ghazal ke gesu
fikr ke pahlu magar gham ki badaulat aae
Malikzada Manzoor Ahmad
dariya ke talatum se to bach sakti hai kashti
kashti mein talatum ho to sahil na milega
from the storms of the seas the ship might well survive
but if the storm is in the ship, no shore can then arrive
Malikzada Manzoor Ahmad
chehre pe sare shahr ke gard-e-malal hai
jo dil ka haal hai wahi dilli ka haal hai
Malikzada Manzoor Ahmad
e-chehragi ki bhiD mein gum hai mera wajud
main KHud ko DhunDhta hun mujhe KHad-o-KHal de
Malikzada Manzoor Ahmad
arz-e-talab par us ki chup se zahir hai inkar magar
shayad wo kuchh soch raha ho aisa bhi ho sakta hai
Malikzada Manzoor Ahmad