مرے اندر کئی احساس پتھر ہو رہے ہیں
یہ شیرازہ بکھرنا اب ضروری ہو گیا ہے

خوشبیر سنگھ شادؔ

---

---

روپ رنگ ملتا ہے خد و خال ملتے ہیں
آدمی نہیں ملتا آدمی کے پیکر میں

خوشبیر سنگھ شادؔ

---

---

شادؔ اتنی بڑھ گئی ہیں میرے دل کی وحشتیں
اب جنوں میں دشت اور گھر ایک جیسے ہو گئے

خوشبیر سنگھ شادؔ

---

---

تھے جس کا مرکزی کردار ایک عمر تلک
پتہ چلا کہ اسی داستاں کے تھے ہی نہیں

خوشبیر سنگھ شادؔ

---

---

یہی قطرے بناتے ہیں کبھی تو گھاس پر موتی
کبھی شبنم کو یہ سیماب میں تبدیل کرتے ہیں

خوشبیر سنگھ شادؔ

---

---

یہ ممکن ہے تمہارا عکس ہی برہم ہو چہرے سے
اسے تم آئنے کی سرگرانی کیوں سمجھتے ہو

خوشبیر سنگھ شادؔ

---

---

یہ سچ ہے چند لمحوں کے لئے بسمل تڑپتا ہے
پھر اس کے بعد ساری زندگی قاتل تڑپتا ہے

خوشبیر سنگھ شادؔ

---

---

یہ تیرا تاج نہیں ہے ہماری پگڑی ہے
یہ سر کے ساتھ ہی اترے گی سر کا حصہ ہے

خوشبیر سنگھ شادؔ

---

---

ذرا یہ دھوپ ڈھل جائے تو ان کا حال پوچھیں گے
یہاں کچھ سائے اپنے آپ کو پیکر بتاتے ہیں

خوشبیر سنگھ شادؔ

---

---