خوشیاں دیتے دیتے اکثر خود غم میں مر جاتے ہیں
ریشم بننے والے کیڑے ریشم میں مر جاتے ہیں

خوشبیر سنگھ شادؔ

---

---

اندھیروں میں بھٹکنا ہے پریشانی میں رہنا ہے
میں جگنو ہوں مجھے اک شب کی ویرانی میں رہنا ہے

خوشبیر سنگھ شادؔ

---

---

کئی نا آشنا چہرے حجابوں سے نکل آئے
نئے کردار ماضی کی کتابوں سے نکل آئے

خوشبیر سنگھ شادؔ

---

---

اسی امید پر تو کاٹ لیں یہ مشکلیں ہم نے
اب اس کے بعد تو اے شادؔ آسانی میں رہنا ہے

خوشبیر سنگھ شادؔ

---

---

ہم اپنے گھر میں بھی اب بے سر و ساماں سے رہتے ہیں
ہمارے سلسلے خانہ خرابوں سے نکل آئے

خوشبیر سنگھ شادؔ

---

---

ایک ہم ہیں کہ پرستش پہ عقیدہ ہی نہیں
اور کچھ لوگ یہاں بن کے خدا بیٹھے ہیں

خوشبیر سنگھ شادؔ

---

---

چلو اچھا ہوا آخر تمہاری نیند بھی ٹوٹی
چلو اچھا ہوا اب تم بھی خوابوں سے نکل آئے

خوشبیر سنگھ شادؔ

---

---

بھنور جب بھی کسی مجبور کشتی کو ڈبوتا ہے
تو اپنی بے بسی پر دور سے ساحل تڑپتا ہے

خوشبیر سنگھ شادؔ

---

---

بہت دنوں سے مرے بام و در کا حصہ ہے
مری طرح یہ اداسی بھی گھر کا حصہ ہے

خوشبیر سنگھ شادؔ

---

---