tamam dard ke rishton se wasta na rahe
hisar-e-jism se niklun to be-sada ho jaun

Khaleel Tanveer

---

---

shab ki diwar giri to dekha
nok-e-nashtar hai sahar kuchh bhi nahin

Khaleel Tanveer

---

---

uswa hue zalil hue dar-ba-dar hue
haq baat lab pe aai to hum be-hunar hue

Khaleel Tanveer

---

---

awan thi koi talab si lahu ke dariya mein
ki mauj mauj bhanwar umr ka safina tha

Khaleel Tanveer

---

---

parind unchi uDanon ki dhun mein rahta hai
magar zamin ki hadon mein basar bhi karta hai

Khaleel Tanveer

---

---

parind shaKH pe tanha udas baiTha hai
uDan bhul gaya muddaton ki bandish mein

Khaleel Tanveer

---

---

main kya hun kaun hun kya chiz mujh mein muzmar hai
kai hijab uThae magar hijab mein hun

Khaleel Tanveer

---

---

ab ke safar mein dard ke pahlu ajib hain
jo log ham-KHayal na the ham-safar hue

Khaleel Tanveer

---

---

kise KHayal tha miTti hui ibarat ka
mahak raha tha chaman-dar-chaman samaat ka

Khaleel Tanveer

---

---