jo zaKHm deta hai to be-asar hi deta hai
KHalish wo de ki jise bhul bhi na paun main

Khaleel Tanveer

---

---

jin ko zamin dida-e-dil se aziz thi
wo kam-nigah log the hijrat na kar sake

Khaleel Tanveer

---

---

is bhare shahr mein din raat Thaharte hi nahin
kaun yaadon ke safar-name ko tahrir kare

Khaleel Tanveer

---

---

hudud-e-shahr se bahar bhi bastiyan phailin
simaT ke rah gae yun jangalon ke ghere bhi

Khaleel Tanveer

---

---

hudud-e-dil se jo guzra wo jaan-lewa tha
yun zalzale to kai is jahan mein aae

Khaleel Tanveer

---

---

harf ko barg-e-nawa deta hun
yun mere pas hunar kuchh bhi nahin

Khaleel Tanveer

---

---

hadson ki mar se TuTe magar zinda rahe
zindagi jo zaKHm bhi tu ne diya gahra na tha

Khaleel Tanveer

---

---

ghar mein kya gham ke siwa tha jo baha le jata
meri virani pe hansta raha dariya us ka

Khaleel Tanveer

---

---

dur tak ek syahi ka bhanwar aaega
KHud mein utroge to aisa bhi safar aaega

Khaleel Tanveer

---

---