aat chahe be-saliqa ho 'kalim'
baat kahne ka saliqa chahiye

Kaleem Aajiz

---

---

apna lahu bhar kar logon ko banT gae paimane log
duniya bhar ko yaad rahenge hum jaise diwane log

Kaleem Aajiz

---

---

apna dil sina-e-ashaar mein rakh dete hain
kuchh haqiqat bhi zaruri hai fasane ke liye

Kaleem Aajiz

---

---

ab insanon ki basti ka ye aalam hai ki mat puchho
lage hai aag ek ghar mein to ham-saya hawa de hai

Kaleem Aajiz

---

---

aazmana hai to aa bazu o dil ki quwwat
tu bhi shamshir uTha hum bhi ghazal kahte hain

Kaleem Aajiz

---

---

'ajiz' ki hain ulTi baaten kaun use samjhae
dhup ko pagal kahe andhera din ko raat batae

Kaleem Aajiz

---

---

han kuchh bhi to derina mohabbat ka bharam rakh
dil se na aa duniya ko dikhane ke liye aa

Kaleem Aajiz

---

---

hum bhi kuchh apne dil ki girah kholne ko hain
kis kis ka aaj dekhiye band-e-qaba khule

Kaleem Aajiz

---

---

hamare qatl se qatil ko tajraba ye hua
lahu lahu bhi hai mehndi bhi hai sharab bhi hai

Kaleem Aajiz

---

---