ye sitam ki mahfil-e-naz hai 'kalim' is ko aur sajae ja
wo dikhaen raqs-e-sitamgari tu ghazal ka saz bajae ja

Kaleem Aajiz

---

---

ye tarz-e-KHas hai koi kahan se laega
jo hum kahenge kisi se kaha na jaega

Kaleem Aajiz

---

---

ye waz-e-wafadari 'ajiz' na badal dena
wo zaKHm tujhe denge tum un ko ghazal dena

Kaleem Aajiz

---

---

zalim tha wo aur zulm ki aadat bhi bahut thi
majbur the hum us se mohabbat bhi bahut thi

Kaleem Aajiz

---

---

zara dekh aaina meri wafa ka
ki tu kaisa tha ab kaisa lage hai

Kaleem Aajiz

---

---

zindagi mail-e-fariyaad-o-fughan aaj bhi hai
kal bhi tha sine pe ek sang-e-giran aaj bhi hai

Kaleem Aajiz

---

---

ahut dushwar samjhana hai gham ka
samajh lene mein dushwari nahin hai

Kaleem Aajiz

---

---

gham hai to koi lutf nahin bistar-e-gul par
ji KHush hai to kanTon pe bhi aaram bahut hai

Kaleem Aajiz

---

---

fan mein na moajaza na karamat chahiye
dil ko lage bas aisi koi baat chahiye

Kaleem Aajiz

---

---