mahsus ho raha hai ki main KHud safar mein hun
jis din se rail par main tujhe chhoDne gaya

Kaif Ahmed Siddiqui

---

---

sard jazbe bujhe bujhe chehre
jism zinda hain mar gae chehre

Kaif Ahmed Siddiqui

---

---

tanhai ki dulhan apni mang sajae baiThi hai
virani aabaad hui hai ujDe hue daraKHton mein

Kaif Ahmed Siddiqui

---

---

tanhaiyon ko saunp ke tarikiyon ka zahr
raaton ko bhag aae hum apne makan se

Kaif Ahmed Siddiqui

---

---

wo KHud hi apni aag mein jal kar fana hua
jis sae ki talash mein ye aaftab hai

Kaif Ahmed Siddiqui

---

---