aaj kuchh aise shoale bhaDke barish ke har qatre se
dhup panahen mang rahi hai bhige hue daraKHton mein

Kaif Ahmed Siddiqui

---

---

aaj phir shaKH se gire patte
aur miTTi mein mil gae patte

Kaif Ahmed Siddiqui

---

---

chaman mein shiddat-e-dard-e-numud se ghunche
taDap rahe hain magar muskurae jate hain

Kaif Ahmed Siddiqui

---

---

hum aaj kuchh hasin sarabon mein kho gae
aankhen khulin to jagte KHwabon mein kho gae

Kaif Ahmed Siddiqui

---

---

ek baras bhi abhi nahin guzra
kitni jaldi badal gae chehre

Kaif Ahmed Siddiqui

---

---

'kaif' kahan tak tum KHud ko be-dagh rakhkhoge
ab to sari duniya ke munh par syahi hai

Kaif Ahmed Siddiqui

---

---

'kaif' yun aaghosh-e-fan mein zehn ko nind aa gai
jaise man ki god mein bachcha sisak kar so gaya

Kaif Ahmed Siddiqui

---

---

KHuda malum kis aawaz ke pyase parinde
wo dekho KHamushi ki jhil mein utre parinde

Kaif Ahmed Siddiqui

---

---

KHushi ki aarzu kya dil mein Thahre
tere gham ne biTha rakkhe hain pahre

Kaif Ahmed Siddiqui

---

---