jab talak hum na chahte the tujhe
tab tak aisa tera jamal na tha

Jurat Qalandar Bakhsh

---

---

jahan ke bagh mein hum bhi bahaar dikhlate
ye rang-e-ghuncha jo apni girah mein zar hota

Jurat Qalandar Bakhsh

---

---

jahan kuchh dard ka mazkur hoga
hamara sher bhi mashhur hoga

Jurat Qalandar Bakhsh

---

---

jald KHu apni badal warna koi kar ke tilism
aa ke dil apna tere dil se badal jaunga

Jurat Qalandar Bakhsh

---

---

jaldi talab-e-bosa pe kije to kahe wah
aisa ise kya samjhe ho tum munh ka niwala

Jurat Qalandar Bakhsh

---

---

jis nur ke bakke ko mah-o-KHur ne na dekha
kam-baKHt ye dil loTe hai us parda-nashin pa

Jurat Qalandar Bakhsh

---

---

jo aaj chaDhate hain hamein arsh-e-barin par
do din ko utarenge wahi log zamin pa

Jurat Qalandar Bakhsh

---

---

jo ki sajda na kare but ko mere mashrab mein
aaqibat us ki kisi taur se mahmud nahin

Jurat Qalandar Bakhsh

---

---

kafir hun jo mahram pe bhi hath us ke laga ho
mashhur ghalat mahram-e-asrar hue hum

Jurat Qalandar Bakhsh

---

---