mujh ko hua ye KHak-nashini se faeda
tha dil ke aaine pe jo kuchh rang uD gaya

Jurat Qalandar Bakhsh

---

---

mujh mast ko kyun bhae na wo sanwli surat
ji dauDe hai mai-kash ka ghiza-e-namakin pa

Jurat Qalandar Bakhsh

---

---

na hai ab KHak-afshani na hairani na uryani
junun gar aa gaya to le ke sab saman aawega

Jurat Qalandar Bakhsh

---

---

naseh bahut ba-fikr-e-rafu tha pe jun hubab
mutlaq na us ke hath mera pairahan laga

Jurat Qalandar Bakhsh

---

---

naseh mere rone ka na mane ho ki aashiq
gar ye na kare kaam to phir kaam kare kya

Jurat Qalandar Bakhsh

---

---

nahin til dharne ki jagah jo ba-afzuni-e-husn
dekha shab us ko to ek KHal ba-ruKHsar na tha

Jurat Qalandar Bakhsh

---

---

nau-giraftar-e-mohabbat hun meri waza se tum
itna ghabrao na pyare main sambhal jaunga

Jurat Qalandar Bakhsh

---

---

payam ab wo nahin bhejta zabani bhi
ki jis ki honTon mein lete the hum zaban har roz

Jurat Qalandar Bakhsh

---

---

pichhe pichhe mere chalne se ruko mat sahib
koi puchhega to kahiyo ye hai naukar mera

Jurat Qalandar Bakhsh

---

---