kisi ka ahd-e-jawani mein parsa hona
qasam KHuda ki ye tauhin hai jawani ki

Josh Malihabadi

---

---

mile jo waqt to ai rah-raw-e-rah-e-iksir
haqir KHak se bhi saz-baz karta ja

Josh Malihabadi

---

---

mila jo mauqa to rok dunga 'jalal' roz-e-hisab tera
paDhunga rahmat ka wo qasida ki hans paDega azab tera

Josh Malihabadi

---

---

mere rone ka jis mein qissa hai
umr ka behtarin hissa hai

Josh Malihabadi

---

---

mahfil-e-ishq mein wo nazish-e-dauran aaya
ai gada KHwab se bedar ki sultan aaya

Josh Malihabadi

---

---

koi aaya teri jhalak dekhi
koi bola suni teri aawaz

Josh Malihabadi

---

---

kaam hai mera taghayyur nam hai mera shabab
mera nara inqilab o inqilab o inqila

Josh Malihabadi

---

---

itna manus hun fitrat se kali jab chaTki
jhuk ke main ne ye kaha mujh se kuchh irshad kiya?

Josh Malihabadi

---

---

jitne gada-nawaz the kab ke guzar chuke
ab kyun bichhae baiThe hain hum boriya na puchh

Josh Malihabadi

---

---