ho gaya zard paDi jis pe hasinon ki nazar
ye ajab gul hain ki tasir-e-KHizan rakhte hain

Imam Bakhsh Nasikh

---

---

jis qadar hum se tum hue nazdik
us qadar dur kar diya hum ko

Imam Bakhsh Nasikh

---

---

jism aisa ghul gaya hai mujh mariz-e-ishq ka
dekh kar kahte hain sab tawiz hai bazu nahin

Imam Bakhsh Nasikh

---

---

justuju karni har ek amr mein nadani hai
jo ki peshani pe likkhi hai wo pesh aani hai

Imam Bakhsh Nasikh

---

---

kaam auron ke jari rahen nakaam rahen hum
ab aap ki sarkar mein kya kaam hamara

Imam Bakhsh Nasikh

---

---

kare jo har qadam par ek nala
zamane mein dira hai aur main hun

Imam Bakhsh Nasikh

---

---