siyah-baKHti mein kab koi kisi ka sath deta hai
ki tariki mein saya bhi juda rahta hai insan se
Imam Bakhsh Nasikh
ashk se nam nahin lete ki sun le na koi
dil hi dil mein use hum yaad kiya karte hain
Imam Bakhsh Nasikh
aat din naqus kahte hain ba-awaz-e-buland
dair se behtar hai kaba gar buton mein tu nahin
Imam Bakhsh Nasikh
munh aap ko dikha nahin sakta hai sharm se
is waste hai piTh idhar aaftab ki
Imam Bakhsh Nasikh
mashuqon se ummid-e-wafa rakhte ho 'nasiKH'
nadan koi duniya mein nahin tum se ziyaada
Imam Bakhsh Nasikh
lete lete karwaTen tujh bin jo ghabraata hun main
nam le le kar tera raaton ko chillata hun main
Imam Bakhsh Nasikh
kya roz-e-bad mein sath rahe koi ham-nashin
patte bhi bhagte hain KHizan mein shajar se du
Imam Bakhsh Nasikh
kis tarah chhoDun yakayak teri zulfon ka KHayal
ek muddat ke ye kale nag hain pale hue
Imam Bakhsh Nasikh
KHwab hi mein nazar aa jae shab-e-hijr kahin
so mujhe hasrat-e-didar ne sone na diya
her, on the eve of separation, in dreams I'd hoped to sight
but the yearning for her vision kept me up all night
Imam Bakhsh Nasikh