اس دشت پہ احساں نہ کر اے ابر رواں اور
جب آگ ہو نم خوردہ تو اٹھتا ہے دھواں اور

حمایت علی شاعرؔ

---

---

ایماں بھی لاج رکھ نہ سکا میرے جھوٹ کی
اپنے خدا پہ کتنا مجھے اعتماد تھا

حمایت علی شاعرؔ

---

---

ہر طرف اک مہیب سناٹا
دل دھڑکتا تو ہے مگر خاموش

حمایت علی شاعرؔ

---

---

ہر قدم پر نت نئے سانچے میں ڈھل جاتے ہیں لوگ
دیکھتے ہی دیکھتے کتنے بدل جاتے ہیں لوگ

حمایت علی شاعرؔ

---

---

ہم بھی ہیں کسی کہف کے اصحاب کے مانند
ایسا نہ ہو جب آنکھ کھلے وقت گزر جائے

حمایت علی شاعرؔ

---

---

بدن پہ پیرہن خاک کے سوا کیا ہے
مرے الاؤ میں اب راکھ کے سوا کیا ہے

حمایت علی شاعرؔ

---

---

اپنے کسی عمل پہ ندامت نہیں مجھے
تھا نیک دل بہت جو گنہ گار مجھ میں تھا

حمایت علی شاعرؔ

---

---