suraj ke ujale mein charaghan nahin mumkin
suraj ko bujha do ki zamin jashn manae

Himayat Ali Shayar

---

---

main sochta hun is liye shayad main zinda hun
mumkin hai ye guman haqiqat ka gyan de

Himayat Ali Shayar

---

---

phir meri aas baDha kar mujhe mayus na kar
hasil-e-gham ko KHuda-ra gham-e-hasil na bana

Himayat Ali Shayar

---

---

aushni mein apni shaKHsiyat pe jab bhi sochna
apne qad ko apne sae se bhi kam-tar dekhna

Himayat Ali Shayar

---

---

'shair' un ki dosti ka ab bhi dam bharte hain aap
Thokaren kha kar to sunte hain sambhal jate hain log

Himayat Ali Shayar

---

---

shama ke manind ahl-e-anjuman se be-niyaz
aksar apni aag mein chup chap jal jate hain log

Himayat Ali Shayar

---

---

sirf zinda rahne ko zindagi nahin kahte
kuchh gham-e-mohabbat ho kuchh gham-e-jahan yaro

Himayat Ali Shayar

---

---

tujh se wafa na ki to kisi se wafa na ki
kis tarah intiqam liya apne aap se

Himayat Ali Shayar

---

---

zindagi ki baat sun kar kya kahen
ek tamanna thi taqaza ban gai

Himayat Ali Shayar

---

---