gul bang thi gulon ki hamara tarana tha
apna bhi is chaman mein kabhi aashiyana tha

Hatim Ali Mehr

---

---

ain-e-kaba mein hai maston ki jagah
kah rahi hain tah-e-abru aankhen

Hatim Ali Mehr

---

---

hum bhi baaten banaya karte hain
sher kahna magar nahin aata

Hatim Ali Mehr

---

---

hum 'mehr' mohabbat se bahut tang hain ab to
rokenge tabiat ko jo ruk jae to achchha

Hatim Ali Mehr

---

---

jannat ki neamaton ka maza waizon ko ho
hum to hain mahw lazzat-e-bos-o-kanar mein

Hatim Ali Mehr

---

---

jawan rakhti hai mai dekhe ajab tasir pani mein
pilata hai mera saqi mujhe iksir pani mein

Hatim Ali Mehr

---

---

kafir-e-ishq hun mushtaq-e-shahadat bhi hun
kash mil jae teri tegh ka zunnar kahin

Hatim Ali Mehr

---

---

karte hain shauq-e-did mein baaten hawa se hum
jate hain ku-e-yar mein pahle saba se hum

Hatim Ali Mehr

---

---

KHub-rui pe hai kya naz butan-e-london
hain faqat rui ke galon ki tarah gal safed

Hatim Ali Mehr

---

---