zaban se baat nikli aur parai ho gai sach hai
abas ashaar ko karte hain hum tashhir pahle se

Hatim Ali Mehr

---

---

gulzar mein phir koi gul-e-taza khila kya
ghabrai si phirti hai tu ai baad-e-saba kya

Hatim Ali Mehr

---

---

apna baatin KHub hai zahir se bhi ai jaan-e-jaan
aankh ke laDne se pahle ji laDa baiThe hain hum

Hatim Ali Mehr

---

---

e-qarari roz-o-shab karne laga
'mehr' ab to dil ghazab karne laga

Hatim Ali Mehr

---

---

ose lete hain chashm-e-jaanan ke
hum hiran ka shikar karte hain

Hatim Ali Mehr

---

---

dar-ba-dar mara-phira main justuju-e-yar mein
zahid-e-kaba hua rahban-e-but-KHana hua

Hatim Ali Mehr

---

---

diwana hun par kaam mein hoshiyar hun apne
yusuf ka KHayal aaya jo zindan nazar aaya

Hatim Ali Mehr

---

---

donon usi ke bande hain yakta hai wo karim
ai chashm-e-tar hai tu bhi baDi aashna-parast

Hatim Ali Mehr

---

---

fasl-e-gul aai to kya be-sar-o-saman hain hum
shisha o jam nahin saqi-e-gul-fam nahin

Hatim Ali Mehr

---

---