ساقیا ایسا پلا دے مے کا مجھ کو جام تلخ
زندگی دشوار ہو اور ہو مجھے آرام تلخ

حقیر

---

---

خوب مل کر گلے سے رو لینا
اس سے دل کی صفائی ہوتی ہے

حقیر

---

---

کی کسی پر نہ جفا میرے بعد
خوب روئے وہ سنا میرے بعد

حقیر

---

---

کیا جانیں ان کی چال میں اعجاز ہے کہ سحر
وہ بھی انہیں سے مل گئے جو تھے ہمارے لوگ

حقیر

---

---

کیوں نہ کعبہ کو کہوں اللہ کا اور بت کا گھر
وہ بھی میرے دل میں ہے اور یہ بھی میرے دل میں ہے

حقیر

---

---

مجھے اب موت بہتر زندگی سے
وہ کی تم نے ستم گاری کہ توبہ

حقیر

---

---

ٹوٹیں وہ سر جس میں تیری زلف کا سودا نہیں
پھوٹیں وہ آنکھیں کہ جن کو دید کا لپکا نہیں

حقیر

---

---

یک بہ یک ترک نہ کرنا تھا محبت مجھ سے
خیر جس طرح سے آتا تھا وہ آتا جاتا

حقیر

---

---

یا اس سے جواب خط لانا یا قاصد اتنا کہہ دینا
بچنے کا نہیں بیمار ترا ارشاد اگر کچھ بھی نہ ہوا

حقیر

---

---