کی کسی پر نہ جفا میرے بعد
خوب روئے وہ سنا میرے بعد

حقیر

---

---

خوب مل کر گلے سے رو لینا
اس سے دل کی صفائی ہوتی ہے

حقیر

---

---

بہ خدا سجدے کرے گا وہ بٹھا کر بت کو
اب حقیرؔ آگے مسلمان رہے یا نہ رہے

حقیر

---

---

جب سے کچھ قابو ہے اپنا کاکل خم دار پر
سانپ ہر دم لوٹتا ہے سینۂ اغیار پر

حقیر

---

---

جانتا اس کو ہوں دوا کی طرح
چاہتا اس کو ہوں شفا کی طرح

حقیر

---

---

عشق کے پھندے سے بچئے اے حقیرؔ خستہ دل
اس کا ہے آغاز شیریں اور ہے انجام تلخ

حقیر

---

---

حقارت کی نگاہوں سے نہ فرش خاک کو دیکھو
امیروں کا فقیروں کا یہی آخر کو بستر ہے

حقیر

---

---

دیکھا بغور عیب سے خالی نہیں کوئی
بزم جہاں میں سب ہیں خدا کے سنوارے لوگ

حقیر

---

---

چھا گئی ایک مصیبت کی گھٹا چار طرف
کھلے بالوں جو وہ دریا سے نہا کر نکلے

حقیر

---

---