ki kisi par na jafa mere baad
KHub roe wo suna mere baad

Haqeer

---

---

KHub mil kar gale se ro lena
is se dil ki safai hoti hai

Haqeer

---

---

a-KHuda sajde karega wo biTha kar but ko
ab 'haqir' aage musalman rahe ya na rahe

Haqeer

---

---

jab se kuchh qabu hai apna kakul-e-KHamdar par
sanp har dam loTta hai sina-e-aghyar pa

Haqeer

---

---

jaanta us ko hun dawa ki tarah
chahta us ko hun shifa ki tarah

Haqeer

---

---

ishq ke phande se bachiye ai 'haqir'-e-KHasta-dil
is ka hai aaghaz shirin aur hai anjam talKH

Haqeer

---

---

haqarat ki nigahon se na farsh-e-KHak ko dekho
amiron ka faqiron ka yahi aaKHir ko bistar hai

Haqeer

---

---

dekha baghaur aib se KHali nahin koi
bazm-e-jahan mein sab hain KHuda ke sanware log

Haqeer

---

---

chha gai ek musibat ki ghaTa chaar taraf
khule baalon jo wo dariya se naha kar nikle

Haqeer

---

---