meri maili hatheli par to bachpan se
gharibi ka khara sona chamakta hai

Faragh Rohvi

---

---

hul gae har waqia bas itna hai yaad
mal-o-zar par thi khaDi rishton ki buniyaad

Faragh Rohvi

---

---

KHub nibhegi hum donon mein mere jaisa tu bhi hai
thoDa jhuTa main bhi Thahra thoDa jhuTa tu bhi hai

Faragh Rohvi

---

---

khuli na mujh pe bhi diwangi meri barson
mere junun ki shohrat tere bayan se hui

Faragh Rohvi

---

---

kaun aata hai ayaadat ke liye dekhen 'faragh'
apne ji ko zara na-saz kiye dete hain

Faragh Rohvi

---

---

kaise apne pyar ke sapne hon sakar
tere mere bich hai mazhab ki diwa

Faragh Rohvi

---

---

ek din wo mere aib ginane laga 'faragh'
jab KHud hi thak gaya to mujhe sochna paDa

Faragh Rohvi

---

---

hamare tan pe koi qimti qaba na sahi
ghazal ko apni magar KHush-libas rakhte hain

Faragh Rohvi

---

---

hum se tahzib ka daman nahin chhoDa jata
dasht-e-wahshat mein bhi aadab liye phirte hain

Faragh Rohvi

---

---