hum wo sahra ke musafir hain abhi tak jin ki
pyas bujhti hai sarabon ki kahani sun ka

Bharat Bhushan Pant

---

---

aankhon mein ek bar ubharne ki der thi
phir aansuon ne aap hi raste bana liye

Bharat Bhushan Pant

---

---

hamari baat kisi ki samajh mein kyun aati
KHud apni baat ko kitna samajh rahe hain hum

Bharat Bhushan Pant

---

---

har ghaDi tera tasawwur har nafas tera KHayal
is tarah to aur bhi teri kami baDh jaegi

Bharat Bhushan Pant

---

---

har taraf thi KHamoshi aur aisi KHamoshi
raat apne sae se hum bhi Dar ke roe the

Bharat Bhushan Pant

---

---

is tarah to aur bhi diwangi baDh jaegi
pagalon ko pagalon se dur rahna chahiye

Bharat Bhushan Pant

---

---

itna to samajhte the hum bhi us ki majburi
intizar tha lekin dar khula nahin rakkha

Bharat Bhushan Pant

---

---

itni si baat raat pata bhi nahin lagi
kab bujh gae charagh hawa bhi nahin lagi

Bharat Bhushan Pant

---

---

jaane kitne log shamil the meri taKHliq mein
main to bas alfaz mein tha shaeri mein kaun tha

Bharat Bhushan Pant

---

---