tu hamesha mangta rahta hai kyun gham se najat
gham nahin honge to kya teri KHushi baDh jaegi

Bharat Bhushan Pant

---

---

KHamoshi mein chahe jitna begana-pan ho
lekin ek aahaT jaani-pahchani hoti hai

Bharat Bhushan Pant

---

---

us ko bhi meri tarah apni wafa par tha yaqin
wo bhi shayad isi dhoke mein mila tha mujh ko

Bharat Bhushan Pant

---

---

use ek but ke aage sar jhukate sab ne dekha hai
wo kafir hi sahi pakka magar iman rakhta hai

Bharat Bhushan Pant

---

---

warna to hum manzar aur pas-manzar mein uljhe rahte
hum ne bhi sach man liya jo kuchh dikhlaya aankhon ne

Bharat Bhushan Pant

---

---

yaad bhi aata nahin kuchh bhulta bhi kuchh nahin
ya bahut masruf hun main ya bahut fursat mein hun

Bharat Bhushan Pant

---

---

ye kya ki roz pahunch jata hun main ghar apne
ab apni jeb mein apna pata na rakkha jae

Bharat Bhushan Pant

---

---

ye kya ki roz ubharte ho roz Dubte ho
tum ek bar mein gharqab kyun nahin hote

Bharat Bhushan Pant

---

---

ye sab to duniya mein hota rahta hai
hum KHud se be-kar ulajhne lagte hain

Bharat Bhushan Pant

---

---