aaina kya kis ko dikhata gali gali hairat bikti thi
naqqaron ka shor tha har su sachche sab aur jhuTa main

Baqar Mehdi

---

---

aazma lo ki dil ko chain aae
ye na kahna kahin wafa hi nahin

Baqar Mehdi

---

---

aisi beganagi nahin dekhi
ab kisi ka koi yahan na raha

Baqar Mehdi

---

---

chale to jate ho ruThe hue magar sun lo
har ek moD pe koi tumhein sada dega

Baqar Mehdi

---

---

daman-e-sabr ke har tar se uThta hai dhuan
aur har zaKHm pe hangama uTha aaj bhi hai

Baqar Mehdi

---

---

ek tufan ki tarah kab se kinara-kash hai
phir bhi 'baqar' meri nazron mein bharam hai us ka

Baqar Mehdi

---

---

fasle aise ki ek umr mein tai ho na saken
qurbaten aisi ki KHud mujh mein janam hai us ka

Baqar Mehdi

---

---

hum milen ya na milen phir bhi kabhi KHwabon mein
muskuraati hui aaengi hamari baaten

Baqar Mehdi

---

---

is shahr mein hai kaun hamara tere siwa
ye kya ki tu bhi apna kabhi ham-nawa na ho

Baqar Mehdi

---

---