hamesha tinke hi chunte guzar gai apni
magar chaman mein kahin aashiyan bana na sake

Aziz Lakhnavi

---

---

haqarat se na dekho sakinan-e-KHak ki basti
ki ek duniya hai har zarra in ajza-e-pareshan ka

Aziz Lakhnavi

---

---

hijr ki raat kaTne wale
kya karega agar sahar na hui

Aziz Lakhnavi

---

---

husn-e-arasta qudrat ka atiyya hai magar
kya mera ishq-e-jigar-soz KHuda-dad nahin

Aziz Lakhnavi

---

---

itna bhi bar-e-KHatir-e-gulshan na ho koi
TuTi wo shaKH jis pe mera aashiyana tha

Aziz Lakhnavi

---

---

jab se zulfon ka paDa hai is mein aks
dil mera TuTa hua aaina hai

Aziz Lakhnavi

---

---

jhuTe wadon par thi apni zindagi
ab to wo bhi aasra jata raha

Aziz Lakhnavi

---

---

kabhi jannat kabhi dozaKH kabhi kaba kabhi dair
ajab andaz se tamir hua KHana-e-dil

Aziz Lakhnavi

---

---

KHud chale aao ya bula bhejo
raat akele basar nahin hoti

Aziz Lakhnavi

---

---