duniya ka KHun daur-e-mohabbat mein hai safed
aawaz aa rahi hai lab-e-ju-e-shir se

Aziz Lakhnavi

---

---

hae kya chiz thi jawani bhi
ab to din raat yaad aati hai

Aziz Lakhnavi

---

---

hadsat-e-dahr mein wabasta-e-arbab-e-dard
li jahan karwaT kisi ne inqalab aa hi gaya

Aziz Lakhnavi

---

---

hum to dil hi par samajhte the buton ka iKHtiyar
nasb-e-kaba mein bhi ab tak ek patthar rah gaya

Aziz Lakhnavi

---

---

hamesha se mizaj-e-husn mein diqqat-pasandi hai
meri dushwariyan aasan hona saKHt mushkil hai

Aziz Lakhnavi

---

---

hamesha tinke hi chunte guzar gai apni
magar chaman mein kahin aashiyan bana na sake

Aziz Lakhnavi

---

---

haqarat se na dekho sakinan-e-KHak ki basti
ki ek duniya hai har zarra in ajza-e-pareshan ka

Aziz Lakhnavi

---

---

hijr ki raat kaTne wale
kya karega agar sahar na hui

Aziz Lakhnavi

---

---

husn-e-arasta qudrat ka atiyya hai magar
kya mera ishq-e-jigar-soz KHuda-dad nahin

Aziz Lakhnavi

---

---