soz-e-gham se ashk ka ek ek qatra jal gaya
aag pani mein lagi aisi ki dariya jal gaya
Aziz Lakhnavi
phuT nikla zahr sare jism mein
jab kabhi aansu hamare tham gae
Aziz Lakhnavi
paida wo baat kar ki tujhe roen dusre
rona KHud apne haal pe ye zar zar kya
create that aspect in yourself that others cry for thee
Aziz Lakhnavi
musibat thi hamare hi liye kyun
ye mana hum jiye lekin jiye kyun
Aziz Lakhnavi
mujh ko kaba mein bhi hamesha shaiKH
yaad-e-ayyam-e-but-parasti thi
Aziz Lakhnavi
mere dahan mein agar aap ki zaban hoti
to phir kuchh aur hi unwan-e-dastan hota
Aziz Lakhnavi
manzil-e-hasti mein ek yusuf ki thi mujh ko talash
ab jo dekha karwan ka karwan milta nahin
Aziz Lakhnavi
main to hasti ko samajhta hun sarasar ek gunah
pak-damani ka dawa ho to kis buniyaad pa
Aziz Lakhnavi
mana ki bazm-e-husn ke aadab hain bahut
jab dil pe iKHtiyar na ho kya kare koi
Aziz Lakhnavi