kab kiya tha is dil par husn ne karam itna
mehrban aur is darja kab tha aasman apna
Asrar-ul-Haq Majaz
izn-e-KHiram lete hue aasman se hum
haT kar chale hain rahguzar-e-karwan se hum
Asrar-ul-Haq Majaz
ishq ka zauq-e-nazara muft mein badnam hai
husn KHud be-tab hai jalwa dikhane ke liye
love is needlessly defamed that for vision it is keen
beauty is impatient too for its splendour to be seen
Asrar-ul-Haq Majaz
is mahfil-e-kaif-o-masti mein is anjuman-e-irfani mein
sab jam-ba-kaf baiThe hi rahe hum pi bhi gae chhalka bhi gae
Asrar-ul-Haq Majaz
husn ko sharmsar karna hi
ishq ka intiqam hota hai
Asrar-ul-Haq Majaz
hindu chala gaya na musalman chala gaya
insan ki justuju mein ek insan chala gaya
Asrar-ul-Haq Majaz
hijr mein kaif-e-iztirab na puchh
KHun-e-dil bhi sharab hona tha
Asrar-ul-Haq Majaz
hum arz-e-wafa bhi kar na sake kuchh kah na sake kuchh sun na sake
yan hum ne zaban hi kholi thi wan aankh jhuki sharma bhi gae
Asrar-ul-Haq Majaz
Dubo di thi jahan tufan ne kashti
wahan sab the KHuda kya na-KHuda kya
Asrar-ul-Haq Majaz