mujh ko ye aarzu wo uThaen naqab KHud
un ko ye intizar taqaza kare koi

I had hoped she would unveil at her own behest
and she waits for someone to make a request

Asrar-ul-Haq Majaz

---

---

udad-e-gham-e-ulfat un se hum kya kahte kyunkar kahte
ek harf na nikla honTon se aur aankh mein aansu aa bhi gae

Asrar-ul-Haq Majaz

---

---

oen na abhi ahl-e-nazar haal pe mere
hona hai abhi mujh ko KHarab aur ziyaada

Asrar-ul-Haq Majaz

---

---

phir meri aankh ho gai namnak
phir kisi ne mizaj puchha hai

Asrar-ul-Haq Majaz

---

---

phir kisi ke samne chashm-e-tamanna jhuk gai
shauq ki shoKHi mein rang-e-ehtaram aa hi gaya

Asrar-ul-Haq Majaz

---

---

kyun jawani ki mujhe yaad aai
main ne ek KHwab sa dekha kya tha

Asrar-ul-Haq Majaz

---

---

kuchh tumhaari nigah kafir thi
kuchh mujhe bhi KHarab hona tha

Asrar-ul-Haq Majaz

---

---

sab ka to mudawa kar Dala apna hi mudawa kar na sake
sab ke to gareban si Dale apna hi gareban bhul gae

Asrar-ul-Haq Majaz

---

---

meri barbaadiyon ka ham-nashino
tumhein kya KHud mujhe bhi gham nahin hai

Asrar-ul-Haq Majaz

---

---