kabe se khinch laya hum ko sanam-kade mein
ban kar kamand-e-ulfat zunnar barhaman ka

Arshad Ali Khan Qalaq

---

---

jame kya panw mere KHana-e-dil mein qanaat ka
jigar mein chuTkiyan leta hai naKHun dast-e-hajat ka

Arshad Ali Khan Qalaq

---

---

aaKHir insan hun patthar ka to rakhta nahin dil
ai buto itna satao na KHuda-ra mujh ko

Arshad Ali Khan Qalaq

---

---

hua main rind-mashrab KHak mar kar is tamanna mein
namaz aaKHir paDenge wo kisi din to tayammum se

Arshad Ali Khan Qalaq

---

---

himmat ka zahidon ki sarasar qusur tha
mai-KHana KHanqah se aisa na dur tha

Arshad Ali Khan Qalaq

---

---

hazrat-e-ishq ne donon ko kiya KHana-KHarab
barhaman but-kada aur shaiKH haram bhul gae

Arshad Ali Khan Qalaq

---

---

hum un se aur wo hum se dam-e-sulh the KHajil
chhinTe laDa kiye araq-e-infial ke

Arshad Ali Khan Qalaq

---

---

hum to na ghar mein aap ke dam-bhar Thaharne aaen
rose aaen jaen surat-e-anfas aur log

Arshad Ali Khan Qalaq

---

---

gul-gun teri gali rahe aashiq ke KHun se
yarab na ho KHizan se ye tera chaman KHara

Arshad Ali Khan Qalaq

---

---