ah-e-haq mein khel jaan-bazi hai o zahir-parast
kya tamasha dar par mansur ne naT ka kiya

Arshad Ali Khan Qalaq

---

---

misal-e-aina hum jab se hairati hain tere
ki jin dinon mein na tha tu singar se waqif

Arshad Ali Khan Qalaq

---

---

mubarak dair-o-kaba hon 'qalaq' shaiKH-o-barahman ko
bichhaenge musalla chal ke hum mehrab-e-abru mein

Arshad Ali Khan Qalaq

---

---

mujh se un aankhon ko wahshat hai magar mujh ko hai ishq
khela karta hun shikar aahu-e-sahrai ka

Arshad Ali Khan Qalaq

---

---

naya mazmun lana kaTna koh-o-jabal ka hai
nahin hum sher kahte pesha-e-farhad kahte hain

Arshad Ali Khan Qalaq

---

---

phans gaya hai dam-e-kakul mein butan-e-hind ke
tair-e-dil ko hamare ram-dana chahiye

Arshad Ali Khan Qalaq

---

---

phir gaya aankhon mein us kan ke moti ka KHayal
gosh-e-gul tak na koi qatra-e-shabnam aaya

Arshad Ali Khan Qalaq

---

---

phir mujh se is tarah ki na kijega dil-lagi
KHair is ghaDi to aap ka main kar gaya lihaz

Arshad Ali Khan Qalaq

---

---

puchha saba se us ne pata ku-e-yar ka
dekho zara shuur hamare ghubar ka

Arshad Ali Khan Qalaq

---

---