manzil hai apni apni 'qalaq' apni apni gor
koi nahin sharik kisi ke gunah mein

Arshad Ali Khan Qalaq

---

---

main wo mai-kash hun mili hai mujh ko ghuTTi mein sharab
shir ke badle piya hai main ne shira tak ka

Arshad Ali Khan Qalaq

---

---

mai jo di ghair ko saqi ne karahat dekho
shisha-e-mai ko maraz ho gaya ubkai ka

Arshad Ali Khan Qalaq

---

---

laghar aisa wahshat-e-ishq-e-lab-e-shirin mein hun
chyunTiyan le jaani hain dana meri zanjir ka

Arshad Ali Khan Qalaq

---

---

kya koi dil laga ke kahe sher ai 'qalaq'
naqadri-e-suKHan se hain ahl-e-suKHan udas

Arshad Ali Khan Qalaq

---

---

kufr-o-islam ke jhagDon se chhuDaya sad-shukr
qaid-e-mazhab se junun ne mujhe aazad kiya

Arshad Ali Khan Qalaq

---

---

kuchh KHabar deta nahin us ki dil-e-agah mujhe
wahi ke manind ab mauquf hai ilham ka

Arshad Ali Khan Qalaq

---

---

kotah umr ho gai aur ye na kam hui
ai jaan aa ke tul-e-shab-e-intizar dekh

Arshad Ali Khan Qalaq

---

---

KHush-qadon se kabhi aalam na rahega KHali
is chaman se jo gaya sarw to shamshad aaya

Arshad Ali Khan Qalaq

---

---