sach hai umr bhar kis ka kaun sath deta hai
gham bhi ho gaya ruKHsat dil ko chhoD kar tanha

Anwar Shuoor

---

---

mohabbat rahi chaar din zindagi mein
raha chaar din ka asar zindagi bha

Anwar Shuoor

---

---

meri hayat hai bas raat ke andhere tak
mujhe hawa se bachae rakho sawere tak

Anwar Shuoor

---

---

mere ghar ke tamam darwaze
tum se karte hain pyar aa jao

Anwar Shuoor

---

---

marne wala KHud ruTha tha
ya naraaz hayat hui thi

Anwar Shuoor

---

---

log sadmon se mar nahin jate
samne ki misal hai meri

Anwar Shuoor

---

---

lagi rahti hai ashkon ki jhaDi garmi ho sardi ho
nahin rukti kabhi barsat jab se tum nahin aae

Anwar Shuoor

---

---

koi zanjir nahin tar-e-nazar se mazbut
hum ne is chand pe Dali hai kamand aankhon se

Anwar Shuoor

---

---

kiya baadalon mein safar zindagi bhar
zamin par banaya na ghar zindagi bha

Anwar Shuoor

---

---