mayus na ho be-ruKHi-e-chashm-e-jahan se
shaista-e-ehsas koi kaam kiye ja

Anwar Sabri

---

---

lapka hai bagula sa abhi un ki taraf ko
shayad kisi majbur ki aahon ka dhuan tha

Anwar Sabri

---

---

lab pe kanTon ke hai fariyaad-o-buka mere baad
koi aaya hi nahin aabla-pa mere baad

Anwar Sabri

---

---

jis ko tere alam se nisbat hai
hum usi ko KHushi samajhte hain

Anwar Sabri

---

---

jine wale tere baghair ai dost
mar na jate to aur kya karte

Anwar Sabri

---

---

jafa o jaur-e-musalsal wafa o zabt-e-alam
wo iKHtiyar tumhein hai ye iKHtiyar mujhe

Anwar Sabri

---

---

jab zamane ka gham uTha na sake
hum hi KHud uTh gae zamane se

Anwar Sabri

---

---

ishq ki aag ai maaz-allah
na kabhi dab saki dabane se

Anwar Sabri

---

---

hasil-e-gham yahi samajhte hain
maut ko zindagi samajhte hain

Anwar Sabri

---

---